Bosh sahifa Mualliflardan Навоий вилоятида электрон ҳисобварақ-фактура юритаётган корхоналар 9 мингдан ошди

Навоий вилоятида электрон ҳисобварақ-фактура юритаётган корхоналар 9 мингдан ошди

0

Ўзбекистон Республикаси Вазирлар Маҳкамасининг 2018 йил 6 октябрдаги “Солиқ маъмуриятчилигида замонавий ахборот-коммуникация технологияларини қўллашни кенгайтириш чора-тадбирлари тўғрисида”ги қарорига асосан Тошкент вилоятининг Чирчиқ шаҳри, Сирдарё ва Навоий вилоятларида электрон ҳисобварақ-фактураларни мажбурий тартибда расмийлаштиришни жорий этиш бўйича эксперимент ўтказилмоқда.

Ҳисобварақ-фактураларни  электрон шаклда юритилиши солиқ тўловчи учун ҳам солиқ хизмати органлари учун ҳам бир қанча қулайликлар яратилишига олиб келади.

Жумладан,  солиқ тўловчи учун: 

ортиқча харажатлар олди олинади;

солиқ тўловчи вақти тежалади;

бухгалтерия ҳисобининг юритиш осонлашади.

 

Солиқ хизмати органлари учун:

солиқларнинг йиғилувчанлиги ошади;

инсофсиз солиқ тўловчиларни аниқлаш имкони яратилади;

назоратни амалга оширириш имконияти кенгаяди ва бошқалар.

Навоий вилоятида жорий йил 20 май ҳолатига электрон ҳисобварақ-фактура юритаётган корхоналар 9136 тани ташкил этиб, фактуралар сони 34070 та. Жумладан электрон ҳисобварақ-фактуралар юритаётган юридик шахслар 8526 та, ЯТТлар 610 тани ташкил этади ёки фаолият кўрсатаётган корхоналарнинг 87,1 фоизи ЭҲФ юритмоқда.